Служба за анестезија, реанимација и интензивно лекување

Историја

Почетоците на Службата за анестезија, реанимација и интензивно лекување САРИЛ датираат од доаѓањето на првиот анестезиолог-реаниматор во Битола д-р Павле Митревски во 1965 година. Тогаш започна да се организира анестезиолошката дејност.

Растот на службата продолжува со доаѓањето на д-р Димитар Секуловски, кој воведува нови методи во работата, примена на механичката вентилација со отворање на Оддел за реанимација и интензивно лекување ОРИЛ во 1973 година. Овој оддел со 6 кревети, бил опремен да лекува најтешки болни со загрозени витални функции, коматозни болни, болни со нарушен ацидобазен и електролитен баланс, болни со политраума, шокови состојби, интоксикации итн.

Д-р.Секуловски е заслужен и за воведување на централно снабдување со медицински гасови во болничките соби, оперативен блок и ОРИЛ.

Најсовремени техники

Во текот пет децении постоење во службата се изгради високостручна екипа на специјалисти, кои ги практицираат сите анестезиолошки техники и ги применуваат најсовремените принципи за третман во реанимацијата и интензивното лекување.

Предоперативно се проценува општата состојба на пациентот, анестезиолошкиот оперативниот ризик, видот на анестезијата и доколку е потребна подготовка за безбедна анестезија.

Интраоперативно се следат виталните параметри, се води анестезијата со цел пациентот да е обезболен, да е во хипноза и мускулна релаксација со цел безбедно да заврши интервенцијата.

Постооперативно во собата за будење продолжува надзорот врз оперираниот до негово безбедно и безболно испраќање до матичниот оддел.

Третман во интензивното лекување

Освен горенаведениот периоперативен ангажман на анестезиологот, друг сегмент од дејноста е работата во одделот за интензивно лекување, каде се работи со критични болни и каде се поддржуваат виталните функции и со одење на тенка жица се надоместуваат сите отстапувања од еквилибриумот.

Третман во реанимацијата

Третиот нераскинлив дел од одговорната работа е реаниматорската, со улогата на консултант на сите останати служби и итни случаи во болницата.

Тимска работа

Анестезиолошкиот дел се состои од доктор специјалист анестезиолог и медицинска сестра – анестетичар, која е специјално едуцирана за тимска работа во оперативна сала.

Во ОРИЛ анестезиологот, реаниматор - интезивист тимски работи со специјално едуцираниот сестрински кадар за примена на најсовремен третман во интензивното лекување.

Организациона поставеност

• Оддел за предоперативна подготовка
• Соба за будење
• Механичка вентилација,
• Респираторна терапија
• Анестезија во оперативните служби

На услуга на сите хирушки служби

САРИЛ со анестезиолошки услуги ги опслужува сите хируршки служби, како за елективен програм, така и за итни оперативни интервенции.

Во текот на една година се реализираат 2000-2500 анестезии, а за предоперативна проценка и подготовка во анестезиолошка амбуланта годишно се обработуваат 1200 до 1500 пациенти.

Во ОРИЛ кој располага со 6+2 болнички кревети, годишно се лекуваат околу 400 пациенти, при што се остваруваат 1200 болнички денови.

Високо едуциран кадар

Денес, Службата за анестезија, реанимација и интензивно лекување располага со високо едуциран кадар, и тоа:

Регионален опфат

Со стручниот кадар, опремата и просторните можности со кои располага, САРИЛ е во состојба да ги прифати и третира сите болни од Југозападниот регион на Република Македонија.